大部份人嘅心跳，都可以維持喺一個穩定嘅節奏，不過原來有啲人嘅心跳會時快時慢，仲有機會因此而喺心臟形成血塊，嚴重嘅話仲可能因而缺血性中風，可大可小；心臟科專科黃文灝醫生就同阿Bob林盛斌解釋，心臟出現血塊係心房顫動患者嘅潛在風險，有研究顯示，心房顫動嘅患者比起普通人，中風風險會高出5倍咁多！咁到底要點樣處理？黃醫生表示，對於呢類型嘅中風危機，預防永遠勝於治療，所以心房顫動嘅患者，就可能需要長期服藥，或者因應患者情況，以左心耳封堵術處理問題。到底長期食藥有咩要留意？左心耳封堵術又係一個點樣嘅手術？可以幫到邊類型嘅心房顫動患者預防中風？而家就一齊睇片，了解多啲心房顫動嘅資訊：

資訊來源：Dr. Bob 健康頻道